Archive | October, 2012

وقوف متكرر.. متكرر.. متكرر

25 Oct

لبنان 75

حاجز.. زلمتين

بارودة ع كتف الأول
وفرد ع خصر التاني، نافخو

وعشر عيون خلف كل ساتر

كلمة وحدة:
هويّتكّ

وكلّك ع بعضك حقّك خرطوشة…

لبنان 010

بناية وزلمتين

فاتحه، سيف، صليب.. بعقد مزيّن رقبتو

المنطقة داعمتو
وعشر عيون ع كل شبّاك

سؤال واحد!
من وين حضرتكن؟

وكلّك ع بعضك ما بتسوى لبطة

لبنان 012

ولاد وشارع

شارعين.. عشرة

سيارة مفخخة

دواليب ونار

رصاص و”إشكالات فردية”

المناطق ولعانة

وعشر عيون.. 100 عين عم تبكي

ما في سؤال،

ما في حكي

مرحبا ما في..

وأنا وإنت، زمطنا هالمرة

بس..

Advertisements